ხშირად მოგისმენიათ ადამიანებისგან, რომ თავბრუ ეხვევათ და ნაცნობ-მეგობრების დამამშვიდებელი რჩევებიც არ აყოვნებს:
- ალბათ გადაიღალე
- დაიძინე და დილით დასვენებულზე კარგად იქნები
- რამეს დალევდი, ნაბახუსევზე ხარ ალბათ (ნუ, უფრო მეტად „პახმელიას“ იყენებენ, მაგრამ მე მაგალითადაც კი არ მინდა ეს სიტყვა!)
- რაღაცნაირი მაგნიტური დღეებია, ბევრს სტკივა
- გაცივდებოდი, თბილად ჩაიცვი...
- და მრავალი სხვა!
ამ ადამიანების უდიდეს ნაწილს, წარმოდგენაც კი არ აქვს რა ხდება, არც დიდად შენი ჯანმრთელობა ადარდებს, თუმცა სიბრძნის დემონსტრირება არ ეზარებათ, როცა შეიძლება ამ ყველაფრის მიღმა - საკმაოდ არასასურველი რამეები იდგეს.
თავბრუსხვევა სხვადასხვა ადამიანებისთვის სხვადასხვანაირ მნიშვნელობას ატარებს. ზოგიერთი მას წონასწორობი დარღვევის აღსაწერად იყენებს, ზოგიერთი კი ამბობს, რომ ამ დროს მის გარშემო ყველაფერი ტრიალებს. წარმოთქმაც კი განსხვავებული, მაგ: დასავლეთ საქართველოში „თავი მებრუალებაც“ ხშირად მომისმენია :)
მოდით, მოკლედ მიმოვიხილოთ მიზეზები, რამაც შეიძლება გამოიწვიოს თავბრუს ხვევა:
- ყურის ვირუსული დაავადება - ეს იწვევს ძლიერ თავბრუსხვევას
- შაკიკი - თავბრუსხვევის ეპიზოდი თავის ტკივილამდე ან მერე აქვთ, ხოლმე ადამიანებს
- სტრესი - უფრო მეტად, თუ ძალიან ხშირად სუნთქავთ მღელვარების დროს
- სისხლში შაქრის დაბალი შემცველობა- რომელიც დიაბეტით დაავადებულ ადამიანებს აქვთ
- სისხლის წნევის უეცარი ვარდნა, რომელიც სწრაფი დაჯდომით ან ადგომითაა გამოწვეული და ჰორიზონტალურ მდგომარეობაში ნორმას უბრუნდება
- ტვინში შემცირებული სისხლის ნაკადი, იგივე ვერტებრობაზილარული უკმარისობა - ამ დროს შესაძლოა ტვინში შემავალი სისხლძარღვები დაბლოკილი იყოს
ერთ-ერთი მიზეზი, ანემიაც შეიძლება გახდეს, რომელიც თავის მხრივ - გულისხმობს ორგანიზმში ჰემოგლობინის და ერითროციტების რაოდენობის არასაკმარისობას.
ანემიის სიმპტომებია:
- სისუსტე,
- კანის სიმშრალე,
- გულის ფრიალი,
- ქოშინი,
- გულმკერდის ტკივილი,
- თავბრუსხვევა,
- მეხსიერების დაქვეითება,
- კიდურების გაცივება,
- თავის ტკივილი
და მაინც: საუკეთესო რჩევა, საწყის ეტაპზე ოჯახის ექიმთან ვიზიტია, იმისთვის, რომ დავრწუნდეთ საშიში რომ არაფერია, თან თუ დაზღვეულებიც ვართ და ექიმიან-მედიკამენტებიანად ეს ყველაფერი უფასოდ გვეკუთვნის, რატომაც არეა?
