კვირის რჩევები
ხშირად მომისმენია, გარშემომყოფებისგან: ამ ქვეყანაში საზღვარი რომ გადავკვეთოთ, დაზღვევა აუცილებელია? არა, არ ითხოვენ უი რა კარგია, აღარ მომიწევს გაკეთება ერთი შეხედვით სიზარმაცე, მეორე შეხედვით დაუდევრობა და საერთო ჯამში, უაზრო რისკი, სულ რაღაც 5 ლარის და 15 წუთის დაზოგვის გამო... პრობლემების თავიდან არიდების მიზნით, გთავაზობთ 8 მიზეზს, რატომ უნდა გააკეთოთ დაზღვევა აუცილებლად, მოგზაურობის დაწყებამდე: ზოგ ქვეყანაში აუცილებელი მოთხოვნა არ არის, მაგრამ სიფრთხილეს თავი არ სტკივა, რა იცით რა დროს შეიცვლება რეგულაციები, ან რა ხასიათზე მყოფი მესაზღვრე შეგხვდებათ? დაზღვევა დღეში 1 ლარიდან იწყება, 1 კვირით წასვლის შემთხვევაში 7 ლარი, ამ დანაზოგის გამო რისკავთ? ქამ ონ! 1. დაზღევა ონლაინაც კეთდება, ჩაბარდა წარსულს დრო, უახლოეს ფილიალამდე რომ უნდა მისულიყავით, მერე რიგში მდგარიყავით და ქაღალდები გეფრიალებინათ. შედით მაგალითად ჯიპიაი ჰოლდინგის საიტზე და მალევე გაერკვევით 2. ევროპის ქვეყნების უმრავლესობაში სამედიცინო დახმარება ძალიან ძვირია, აზიის ბევრ ქვეყანაში - პირველივე სამედიცინო პუნქტში თუ შებოდიალდებით, საკმაოდ რისკიანი, ჰოდა გქონდეთ თავი ქუდში 3. სამოგზაურო დაზღვევა უბედური შემთხვევის დროს, თქვენს უფასო „ტრანსპორტირებასაც“ გულისხმობს, ნუ ცუდზე არ ვიფიქროთ, მაგრამ ნურც იმას ვიტყვით, რომ ჩვენს შემდეგ წარღვნაც მოსულა :) 4. დაზღვევის დროს, თქვენს პრობლემებზე თქვენს ნაცვლად სხვები ზრუნავენ. ისედაც შეზღუდულია შვებულებები, შესაბამისად, მოგზაურობის დღეები, რაღაზე უნდა დაკარგოთ დრო კიდევ რამის გარკვევაში? 5. ბარგი - პანტა-პუნტით რომ იკარგება, ან ზიანდება, ან კიდევ რავიცი. ბარგის დაზღვევას მონიშნავთ და ამ კუთხითაც მშვიდად ხართ. არ გეწყებათ პანიკა, როცა იმ „მოტრიალე“ რაღაცაზე თქვენს ბარგს ვერა და ვერ ხედავთ, არ მოვა და ნუ მოვა - ამინაზღაურება მაინც! 6. ცხოვრება სიურპრიზებითაა სავსე, ვთქვათ უცებ მოგინდათ მეზობელ ქვეყანაში შერბენა, იმ ქვეყნიდან, სადაც მოგზაურობთ და დაზღვევა არ გჭირდებოდათ. აქაც მშვიდად ხართ, წინასწარვეა მოგვარებული ყველაფერი და ცხოვრებაც უფრო მშვენიერია, როცა ყველაფერი მარტივია. ჰოდა, დაივიწყეთ ეს უაზრო „ეკონომია“, არც დროს ზოგავთ ამით დიდად, თანხას მით უმეტეს და რეალურად საფრთხეში იგდებთ თავს. შედით საიტზე, ათი წუთი და რამდენიმე ლარიც მოგეძებნებათ და ეგ არის, იმოგზაურეთ მშვიდად, უსაფრთხოდ და ბედნიერად...
კვირის რჩევები
რა არის ყველაზე ძვირფასი და მნიშვნელოვანი ცხოვრებაში? ალბათ ამ სტატიის მკითხვეთა აბსოლუტური უმრავლესობა იტყვის, რომ ჩვენი და ჩვენი ოჯახის წევრების ჯანმრთელობა. სამწუხაროდ, ჯანმრთელობაზე ზრუნვა ყოველთვის მარტივი და ხელმისაწვდომი არაა, მაგრამ ჭკვიანი და წინდახედული ადამიანები ყველაზე სწორ და გონივრულ არჩევანს იღებენ, როდესაც ჯანმრთელობას აზღვევენ. ჯანმრთელობის დაზღვევის სიკეთეებსა და მნიშვნელობაზე აქ აღარ ვისაუბრებ. მაგრამ თქვენი, მკირხველის ყურადღება ერთ მნიშვნელოვან თემაზე მინდა შევაჩერო. ბევრს გონია, რომ თუ ჯანმრთელობის დაზღვევა აქვს, ეს ნიშნავს რომ ყოველთვის, ნებისმიერი ღირებულების, ყველა სამედიცინო სერვისი უნდა უნაზღაურდეს ან დაეფაროს. ეს კარგი იქნებოდა, მაგრამ სამწუხაროდ ასე არ არის. დაზღვევაში არსებობს ასეთი ტრემინი - "გამონაკლისი", რაც ნიშნავს იმ სამედიცინო ჩვენებას, რომელიც არ იფარება ან ანაზღაურდება დაზღვევით. ხშირია შემთხვევები, როდესაც ადამიანი კონკრეტული სამედიცინო ჩვენებისთვის ეზღვევა და ამ დროს მისი სადაზღვევო პოლისი მას არ ფარავს, რაც მის, კარგ შემთხვევაში, გაღიზიანებას იწვევს. ამიტომ უსიამოვნო მოულოდნელობებისა და გაუგებრობებისგან თავის დასაცავად მნიშვნელოვანია ვიცოდეთ რა გამონაკლისებს მოიცავს ჯანმრთელობის დაზღვევა და რატომ. ზოგადად, ყველა სადაზღვევო კომპანიის პოლისებში გამონაკლისები თითქმის ერთნაირია, ამიტომ ქვემოთ მოგაწვდით ინფორმაციას იმ 7 გამონაკლისის შესახებ, რომელიც აუცილებლად უნდა გაითვალისწინოთ სანამ ამა თუ იმ სადაზღვევო კომპანიის დაზღვევას შეიძენთ: დაზღვევამდე არსებული დაავადებები - სადაზღვევო კომპანიების შეთავაზბებში, რეკლამებში, ხშირად მოისმენთ, რომ ესა თუ ის პოლისი ფარავს პირობითად, სიმსივნური დაავადებების მკურნალობის ხარჯებს. დიახ, ეს ასეც იქნება, მაგრამ იმ პირობით თუ სიმსივნის დიაგნოზი დაზღვევის შემდეგ დაისვა. დარწმუნებული ვარ, ბევრი იტყვის, სიმსივნე რომ მაქვს მაგიტომ მინდა დაზღვევა, ჯანმრთელი რატომ დავეზღვევიო... სწორედ ამაშია საქმე... სამწუხაროდ, ტენდენციურია ის ფაქტი, რომ ბევრს დაზღვევა მხოლოდ მაშინ ახსენდება, როცა უკვე დაუდგინდა დაავადება. განვიხილოთ 1 შემთხვევა: საშუალო ასაკის პაციენტს, რომელსაც დაუდგინდა ავთვისებიანი სიმსივნე, სამკურნალოდ სჭირდება 10 000₾. მან გადაწყვიტა შეიძინოს ჯანმრთელობის დაზღვევა, რათა ეს ხარჯი სადაზღვევომ დაუფაროს. მაქსიმალური თანხა, რაც შეიძლება ამ ადამიანმა საუკეთესო სადაზღვევო პოლისში წლიურად გადაიხადოს 1100-1200 ლარია. ანუ გამოდის, რომ 1200 ლარად უნდა მიიღოს 10 000 ლარიანი მომსახურება. ძალიან კარგი იქნებდა ასე რომ ხდებოდეს, მაგრამ სამსართლიანობა მოითხოვს ვთქვათ, რომ ეს დაზღვევა კი არა უკვე ქველმოქმედებაა. რა თქმა უნდა, სადაზღვვო კომპანია მას ამ შემთხვევაში მკურნალობის ხარჯებს არ აუნაზღაურებს. მას რომ მანამდე გახსენებოდა და ეფიქრა, (რაც ცხადია რთული წარმოსადგენია ყველასთვის) რომ ოდესმე შეიძლება დასჭირდეს რაიმე სახის სამედიცინო დახმარება (ეს კი ხარჯებთან არის აუცილებლად დაკავშირებული) და მანამდე შეეძინა დაზღვევა, მას ამ დაავადების მკურნალობის ხარჯები აუცილებლად დაეფარებოდა. დაზღვევის პრინციპიც ხომ ის არის, რომ გაუთვალისწინებელი შემთხვევებისგან დაიზღვიო თავი. ორსულობა-მშობიარობა - ინდივიდუალურ ჯანმრთელობის დაზღვევის პაკეტებში, ორსულობა - მშობიარობა  იფარება დაზღვევიდან მხოლოდ 24 თვის გასვლის შემდეგ. ანუ გამოდის რომ კონკრეტულ სადაზღვევო კომპანიაში უწყვეტად 2 წლის განმავლობაში უნდა იყო დაზღვეული, რომ მესამე წლიდან ორსულობა-მშობიარობის ხარჯები დაიფაროს. ამ ფაქტს არაერთი დაზღვეულის აღშფოთება გამოუწვევია. მაგრამ მოდი დავფიქრდეთ, ვთქვათ 30 წლის მარიამი ორსულადაა, ან აპირებს ბავშვის გაჩენას და იცის, რომ ეს საკმაოდ დიდ ხარჯებთანაა დაკავშირებული. გართულების გარეშე მიმდინარე მხოლოდ ორსულობა 9 თვის განმავლობაში მინიმუმ 1500 ლარი ჯდება, ამას დავუმატოთ მშობიარობა, თუ მარიამს ექიმის აყვანა უნდა ვიპ პალატასთან და გაუტკივარებით მშობიარობასთან ერთად, ეს თანხა გაცილებით მაღალია. ამიტომ მარიამმა გადაწყვიტა, რაღა მე გადავიხადო, ვიყიდი დაზღვევას და სადაზღვევო დამიფარავსო. ნახა სადაზღვევო პოლისები და თვეში 55-60 ლარის ფარგლებში მშვენიერი სადაზღვევო პაკეტი შეარჩია, რაც წელიწადში 660-720 ლარის ფარგლებში მერყეობს. ჩნდება რიტორიკული კითხვა, რომელი სადაზრვევო კომპანია აანაზღაურებს იმ სამედიცინო მომსახურებას, რომელიც 1500-3000 ლარის ფარგლებში ჯდება? როცა დაზღვეული ამაში წელიწადში 720 ლარის იხდის, მაშინ როცა მაღალია რისკი იმისა რომ დაზღვეული როგორც კი მიიღებს მომსახურებას და ხარჯები დაეფარება, აღარ მოისურვებს თანხის გადახდას და გააუქმებს დაზღვევას? სწორედ ამიტომ მოქმედებს 24 თვიანი მოცდის პერიოდი ორსულობა-მშობიარობაზე ინდივიდუალური ჯანმრთელობის დაზღვევის შემთხვევაში. თუმცა კორპორატიულ დაზღვევაში უმეტესწილად, ორსულობა-მშობიარობა დაზღვევის ამოქმედებისთანავე იფარება. გეგმიური ჰოსპიტალური მომსახურება ანუ გეგმიური ოპერაციები - ასევე გამონაკლისია ინდივიდუალურ ჯანმრთელობის დაზღვევაში და აქაც მოცდის პეიოდი ვრცელდება. მიზეზი იგივეა, რაც ორსულობა-მშობიარობის შემთხვევაში განვიხილეთ. აქაც მოქმედებს დაზღვევის მთავარი პრინციპი - დაზღვევა გაუთვალისწინებელი შემთხვევებისთვისაა.     4. პლასტიკური ქირურგია - ესთეტიკური დანიშნულების არც ერთი მომსახურება, მით უფრო ქირურგია არ იფარება დაზღვევით, თუმცა         სადაზღვევო კომპანიები დაზღვეულებს ბენეფიტების სახით ხშირად სთვაზობენ  პარტნიორ ესთეტიკურ კლინიკებში ფასდაკლებებს. ვენერიული, სქესობრივი გზით გადამდები დაავადებები - აღსანიშნავია, რომ ვიწრო სპეციალისტთან ვიზიტი ამა თუ იმ დაავადების დასადგენად, ცხადია იფარება დაზღვევით, მაგრამ თუ ისეთი სამედიცინო ჩვენება დადგინდა, რომელიც გამონაკლისშია დაზღვევით, მაგალითად აივ ინფექცია, მისი მკურნალობის ხარჯები აღარ დაიფარება. თუმცა არსებობს სახელმწიფო პროგრამები, რომელიც ამა თუ იმ ვენერიული დაავადებების მკურნალობას უზრუნველყოფს.     6. ვაქცინაცია - დაზღვევა არ ფარავს ვაქცინაციის ხარჯებს გარდა გადაუდებელი შემთხვევებისა, როგორიცაა ანტირაბიული ანუ ცოფის საწინააღმდეგო ან ანტიტეტანური შრატი. გეგმიური აცრები სახელმწიფოს მიერ ფინანსდება. ვიტამინები - ვიტამინების ჯგუფის ყველა მედიკამენტი გამონაკლისშია. ვიტამინები არ გამოიყენება კონკრეტული დაავადების, ჩვენების სამკურნალოდ, მას აქვს გამაჯანსაღებელი, იმუნიტეტეის გამაძლიერებლის დანიშნულება, ამიტომ დაზღვევა მის ხარჯებს არ ფარავს.   ასე, რომ გაითვალისწინეთ ეს ძირითადი გამონაკლისები დაზღვევის შეძენისას და გირჩევთ, ნუ გაიხსენებთ დაზღვევას მხოლოდ პოსტ ფაქტუმ.
კვირის რჩევები
იმ შემთხვევაში თუ ასტროლოგების გჯერათ, მაშინ ეს სტატია თქვენთვისაა, რადგან ის 2018 წლის ივლისში, თითოეული ზოდიაქოს ნიშნისთვის, ვარსკვლავების მიერ ნაწინასწარმეტყველები ფაქტების შესახებ უამბობს. ვერძი 2018 წლის ივლისის თვეში, ასტროლოგები გირჩევენ, არ იყოთ ზედმეტად აქტიური. სჯობს მნიშვნელოვანი საქმეები სამომავლოდ გადადოთ და დაისვენოთ. რეკომენდირებულია მოგზაურობა და, რა თქმა უნდა, არ უნდა დაივიწყოთ სამოგზაურო დაზღვევა, რადგან ამ პერიოდში პრობლემებთან დამოუკიდებლად გამკლავებისთვის საჭირო ენერგია არ გექნებათ და უმჯობესია ეს საქმე სხვას გადააბაროთ.   კურო მიმდინარე თვეში, დაკავებული იქნებით საკუთარი ოჯახზე ზრუნვით. სწორედ ეს იქნება თქვენი მთავარი პრიორიტეტი 2018 წლის ივლისში. სწორედ ამიტომ, კარგი იქნება თუ საკუთარ თავს საქმეს შეუმსუბუქებთ და დააზღვევთ სახლს, აგარაკსა და ოჯახის წევრების ჯანმრთელობას.   ტყუპები მოვლენებით დატვირთული თვე გელით. მოსალოდნელია კარგი ფინანსური შემოსავალი და კარიერული წარმატება, თუმცა პირად ცხოვრებაში მსგავსი მოვლენები არ გელით. ამ ყველაფერმა შეიძლება თქვენი ნერვული დაძაბულობა და სტრესი გამოიწვიოს, რაც თვის ბოლოს ექიმთან ვიზიტის აუცილებლობის წინაშე დაგაყენებთ, ამიტომ თქვენთვის რეკომენდირებულია საკუთარი ჯანმრთელობის დაზღვევა.   კირჩხიბი 2018 წლის ივლისი ძალზედ იღბლიანი თვე იქნება თქვენთვის. ეს განსაკუთრებით ეხება ივლისის მეორე ნახევარს. გელით ფინანსური შემოსავალი, რაც გამოწვეული იქნება თქვენი პროფესიული იდეების წარმატებით განხორციელებით. მოკლედ, რომ ვთქვათ, ასტროლოგების აზრით, თქვენ დაზღვევის გარეშეც მარტივად გახლავთ ამ თვეში ფონს, თუმცა სიფრთხილეს თავი არ სტკივა და შეგიძლიათ, სამომავლოდ მაინც იზრუნოთ თქვენი და თქვენი ქონების დაზღვევაზე.   ლომი ამ თვეში შეპყრობილი იქნებით საკუთარი თავის მაქსიმალურად კარგად წარმოჩენითა და სხვებზე გრანდიოზული შთაბეჭდილებების მოხდენის სურვილით. ამის გამო, ძვირადღირებული ნივთების შეძენისა და საზოგადოებაში დიდებულად წარმოჩენას გადაწყვეტთ. კარგი იქნება თუ ყველა შენაძენს ყიდვისთანავე დააზღვევთ და ამით საკუთარ სიმშვიდესაც შეიძენთ.   ქალწული ამ თვეში, გრანდიოზული მოვლენები მხოლოდ პირად ცხოვრებაში გელით. კარიერასა და ფინანსებში სიახლეები მოსალოდნელი არ არის. ხშირად თუ გამოჩნდებით საზოგადოებრივი თავშეყრის ადგილებში, შესაძლოა ახალ სიყვარულსაც კი გამოკრათ ხელი. მართალია სიყვარულის დაზღვევა არ არსებობს, მაგრამ კარგი იქნება თუ დააზღვევთ სხვა ყველაფერს, რათა ნერვიულობაზე დრო და ენერგია არ დახარჯოთ და მთლიანად მიუძღვნით საკუთარ თავს კუპიდონის მიერ ბოძებულ დიდ საჩუქარს.   სასწორი მიმდინარე თვე კარგი პერიოდია თვითრეალიზებისთვის. საკუთარი შესაძლებლობების სწორად და მაქსიმალურად წარმოჩენაში დაგეხმარებიან მეგობრებიც. კარგი იქნება თუ საკუთარ თავს ჯანმრთელობის დაზღვევით უზრუნველყოფთ, რათა საკუთარმა ორგანიზმმა არ შეგიშალოთ ხელი ამ საოცარი პერიოდის მაქსიმალურად გამოყენებაში.   მორიელი 2018 წლის ივლისში, თქვენ გელით რადიკალური ცხოვრებისეული ცვლილებები. გექნებათ ძველი გეგმებისა და ოცნებებისთვის ხორცის შესხმის შესაძლებლობა. ასტროლოგთა აზრით, ამ ყველაფერში ხელის შეშლა მხოლოდ თქვენს ჯანმრთელობას შეუძლია და შესაბამისად, ჯანმრთელობის დაზღვევის პოლისი სწორედ ისაა რაც ამ თვეში ჰაერივით გჭირდებათ.   მშვილდოსანი თქვენთვის, მიმდინარე თვეში, რეკომენდირებულია სამოგზაურო დაზღვევისა და ჯანმრთელობის დაზღვევის პაკეტის შეძენა, რადგან 2018 წლის ივლისში გელით საზღვარგარეთ გასვლები და საყვარელ ადამიანთან კონფლიქტი, რომელიც თქვენს ნერვულ სისტემასა და გულზე უარყოფით გავლენას მოახდენს.   თხის რქა 2018 წლის ივლისში გელით დოკუმენტებთან ურთიერთობა. მოგიწევთ უძრავი ქონების გადაფორმება, გაყიდვა, შეძენა და ა.შ. სწორედ ამიტომ, ამ თვეში, სწორედ საკუთარი უძრავი ქონების დაზღვევა გახლავთ თქვენთვის აქტუალური და აუცილებელი.   მერწყული ამ თვეში გელით ურთიერთსაწინააღმდეგო მოვლენებით დატვირთული დღეები, მათ შორის სირთულეებიც იქნება და საბოლოო ჯამში გამარჯვებული დარჩებით. კარგი იქნება თუ არ აჩქარდებით და მოერიდებით რისკს. ამ თვეში, მთავარი საშიშროება კი გახლავთ საეჭვო ფინანსური გარიგებები, ამიტომ კარგი იქნება თუ დააზღვევთ თქვენს მფლობელობაში არსებულ მატერიალურ რესურსებს.   თევზები მაქსიმალურად დაკავებული იქნებით საკუთარი პროფესიული საქმინობით. მოსალოდნელია მივლინებაში წასვლა, რაც სასარგებლო და სასიამოვნო იქნება თქვენთვის. ასევე გელით ვნებიანი რომანიც, რომელიც უსწრაფესად განვითარდება. ასტროლოგები გირჩევენ საკუთარი ავტომობილის დაზღვევას, რადგან ამ თვეში მას დიდი შრომის გაწევა მოუწევს.
ისტორიები
უხსოვარი დროიდან მოგზაურობდნენ ადამიანები. თუმცა, ბევრად ნელა და ნაკლებად საინტერესოდ. ჩვენმა შორეულმა წინაპარმა მოგზაურობა თითქმის 2 მილიონი წლის წინ დაიწყო ეთიოპიიდან და გავრცელდა მთელ დანარჩენ დედამიწაზე. მას შემდეგ ადამიანები მოუსვენრად გადაადგილდებიან კონტინენტიდან კონტინენტზე, იპყრობენ ზღვებსა და ოკეანეებს, ითვისებენ ჩრდილო თუ სამხრეთ პოლუსების თოვლით დაფარულ სივრცეებს, ლივლივებენ ცაში და მიისწრაფიან, რათა მეტი შეიცნონ ახალი ადგილების შესახებ. საუკუნეების წინ ადამიანები მოგზაურობდნენ სავაჭრო მიზნით ან და საბრძოლველად. სწორედ ეს ორი გახლდათ ახალი კულტურების, ცივილიზაციების შეცნობის ერთადერთი გზა. მოგვიანებით, საერთაშორისო ავიახაზების განვითარების შედეგად ადამიანმა სწრაფი ტემპებით აითვისა გართობისა და დასვენების ახალი ხერბები, რომელიც უცხო ქვეყნების მონახულებით, კამკამა სანაპიროებით ტკბობის, მთის კურორტებზე თოვლში სრიალით, ეგზოტიკური ქალაქების ვიწრო ქუჩებში უბრალოდ ხეტიალით თუ უამრავი სხვა ფორმით გამოვლინდება. მოგზაურობის დაგეგმვა მრავალი საინტერესო და ამავდროულად რთული კომპონენტისგან შედგება, რა დროსაც სხვადასხვა წვრილმან-მსხვილმანი საქმეები გვაქვს შესასრულებელი. ვიყიდოთ ავიაბილეთები, მოვძებნოთ და დავჯავშნოთ საცხოვრებელი, ზამთარში ჩრდილოეთისთვის მოვიმზადოთ ღუნღულა ტანსაცმელი, ზაფხულში კი იმგვარი, რომ ყველა ხვდებოდეს აქ თუ ვინმე ჭეშმარიტად „გულაობს“, ეს სწორედაც რომ ჩვენ ვართ. ბარგი ჩავალაგოთ, არ დაგვრჩეს სმარტფონის დამტენი და ფოვერბანკი, რასაკვირველია არც ფოტოაპარატი. უამრავი საჭირო თუ უსარგებლო ნივთი. თუ ქინდლი არ გვაქვს, ერთი სქელიყდიანი წიგნიც გვჭირდება, თუნდაც რეპუტაციისთვის, სასურველია ფრანგი მწერლის, სამწუხაროდ უელბეკი აღარ გამოდგება, ნაწყენები ვართ. თუმცა კარგ ფრანგ მწერლებს რა გამოლევს. თემას ავცდით, მგონი ყველაფერი ჩავალაგეთ, ბილეთები ხელში გვიჭირავს, ტაქსი გამოძახებულია. თითქოს ყველაფერი მარტივადაა. ევროპის მიმართულებით ვიზა აღარ გვჭირდება და აბა რაღა აღუდგება წინ იმას, რომ ჩვენს ისტორიულ სამშობლო მიწას, ჭეშმარიტ ევროპულ სივრცეს შევუერთდეთ და ჩვენი წილი ევროპელობა დავიბრუნოთ. ჩავალთ და ყველა გვკითხავს საიდან ვართ და სხაპასხუპით ვუპასუხებთ, - ფრომ ჯორჯია, ქანთრი. ისე, ურიგო არ იქნებოდა, სახელმწიფოსთვის პირდაპირ ამგვარი სახელწოდება მიგვენიჭებინა - “Georgia country”. თუმცა, ქვეყნის სახელწოდებას დავეხსნათ და მთავარია შორეული ფრენის მოლოდინით აღელვებული გული ცოტა ხნით დავაოკოთ და დავფიქრდეთ, რაიმე ხომ არ გვრჩება? ასეთ ვითარებაში, ადვილია გამოგვჩეს ისეთი მნიშვნელოვანი დეტალიც კი, როგორიცაა სამოგზაურო დაზღვევა. მოგეხსენებათ, მიუხედავად იმისა, რომ ტურისტული მოგზაურობისთვის ევროკავშირის ქვეყნებში ვიზა აღარ გვჭირდება, სხვა აუცილებელ დოკუმენტაციასთან ერთად დაზღვევა მაინც საჭიროა. რასაკვირველია, უმჯობესია ყველაფერი წინასწარ მოვამზადოთ, თუმცა არც გულმავიწყებს გაწირავს ბედი და სადაზღვევო სექტორი, რადგანაც თუნდაც აეროპორტიდან შეგვიძლია ონლაინ ვიყიდოთ დაზღვევა, რომელიც მომენტლურად გააქტიურდება და შეგვეძლება სუფთა სინდისით წარვსდგეთ საპასპორტო კონტროლის წინაშე. ამის შემდეგ შეგვიძლია კიდევ ერთხელ ჩავისუნთქოთ ჩვენი ქვეყნის მტვრიანი, თუმცა მაინც საყვარელი ჰაერი, მზერა მივაპყროთ ჰორიზონტზე ლურჯ სივრცეებს და ამაყად გავეშუროთ პირველი ევროპელები სხვა ევროპელ ნათესავებთან შესახვედრად. რაც მთავარია გვახსოვდეს, ბერგჰაინი ვერასდროს შეედრება მშობლიურ ბასიანს, ხოლო LSD საყვარელ LRG-ის.
ისტორიები
  სოფო ბედიას ქმარი - ცოლს. არავინ იცის პირველმა რომელმა ჟურნალისტმა გამოიყენა ამგვარი წოდება სოფო ბედიას ქმრის მიმართ, თუმცა ფაქტია, ასეთი ორიგინალური ტიტული საკმაოდ დასამახსოვრებელი და გამორჩეულია.      „ხარისხის არხის“ ორი გამოჩენილი წამყვანი, რომელთა სახელებიც ჩვენთვის უცნობია ერთმანეთს დააზღვევდნენ, რადგანაც ვერცერთი ჩვენგანი ვერ წარმოიდგენს მათ ცალ-ცალკე. ისინი, ისეთივე განუყრელები არიან როგორც ბონი და კლაიდი, დონ კიხოტი და სანჩო პანსა ან Wall-e და ევა.   საქართველოს საფეხბურთო ნაკრები, რაგბის ეროვნულ ნაკრებს დააზღვევდა. ყველასათვის ცნობილია, რომ ჩვენი საფეხბურთო ნაკრები არც თუ სახარბიელო მატჩებს ატარებს წლების განმავლობაში, თუმცა მას შემდეგ, რაც რაგბის ნაკრებმა წარმატებებს მიაღწია, სპორტის ქომაგების ყურადღება ძირითადად ამ მიმართულებით გადავიდა. მორაგბეების წარუმატებლობის შემთხვევაში კი მაყურებელი მზერას ისევ ფეხბურთელებისკენ მიაპყრობს, რაც საკმაოდ შეუშლის ხელს ჩვენს საფეხბურთო ნაკრებს მშვიდად ცხოვრებასა და დასვენებაში.   გუგული მაღრაძე იდეებს დააზღვევდა, საქართველოს მოქალაქეებმა უკვე კარგად იციან რომ ამ გამორჩეულ პოლიტიკოსს ყველაზე შთამბეჭდავი იდეები მოსდის, რომელიც შემდგომ კანონის სახეს იძენს. აღნიშნული პოლიტიკოსის, საკმაოდ თამამი იდეები უკვე არიან ჩვენი ქვეყნის მოქალაქეების  ჯანმრთელობის სადარაჯოზე, ხოლო ქალბატონი გუგული კი ახალ-ახალ მოსაზრებებს გვთავაზობს ჩვენს ჯანმრთელობაზე ზრუნვის საბაბით.   ზალიკო ბერგერი სელფის ჯოხს დააზღვევდა. მისი სელფ ვიდეოები არნახული პოპულარობით სარგებლობს ქართველ ინტერნეტ მომხმარებელთა შორის, და რაც მთავარია, სორი, მაგრამ დის იზ თრუ.   დემნა გვასალია 90-იან წლებს და მასთან დაკავშირებულ მოგონებებს დააზღვევდა. ამ „საგანძურის“ არ არსებობის შემთხვევაში კითხვის ნიშნის ქვეშ დგება, რა გახდებოდა დიზიანერის შთაგონების უშრეტი წყარო.   ქართველი ფიტნეს ინსტრუქტორები და სავარჯიშო დარბაზების მფლობელები მომხმარებელთა სმარტფონებს, ან უფრო ზუსტად სმარტფონის კამერებს დააზღვდნენ. სელფის გადაღების და სავარჯიშო დარბაზში დაჩექინების საშუალების გარეშე, მათ ნამდვილად მოაკლდებოდათ საკმაოდ ბევრი მომხმარებელი.   გრიშა ონიანისთვის საუკეთესო გამოსავალი ბადრი შუბლაძის დაზღვევაა. ყველა ჩვენგან სჭირდება ღირსეული მეტოქე, რომელიც ჩვენს სიცოცხლეს აზრს აძლევს.   ქართული პრეზერვატივების ბრენდი „აიისა“ მწვანე, შავ, თეთრ, ნარინჯისფერ და სხვა დარჩენილ ფერებს დააზღვევდა, რადგანაც ყვითელი როგორც გაირკვა, ზეციური ფერია. ხოლო, წითელი და ცისფერი კი სამეფო მოსასხამის ფერი.   ქართველი მამიდები, დეიდები და ბიცოლები იმ იდუმალ აპლიკაციას დააზღვევდნენ, სადაც შესაძლებელია ნათესავებისთვის დასაპოსტი სტიკერების დამზადება. რომლებზეც ხშირ შემთხვევაში გამოსახულია  ვარდები, გულები, შამპანურის ჭიქები, გედები, ასევე მატერიალური კეთილდღეობის აღმნიშვნელი სიმბოლოები და თან ახლავს ფრაზები: ეს ჩემგან, ხმერთმა დიდი გაგიზარდოს, გიხდება მუტსელი, ჩემი დიდი გოგო და სხვა.
ისტორიები
დაზღვევა მხოლოდ ციფრები და ქაღალდები არ არის და ხანდახან  ბევრად საინტერესო ამპლუაში გვევლინება. შეიძლება აქამდე არ დაკვირვებიხართ, მაგრამ ძალიან ბევრ ფილმში დაზღვევა საკვანძო როლს ასრულებს და მოვლენების მოულოდნელი განვითარების მიზეზი შეიძლება გახდეს. დღევანდელ პოსტში გვინდა სწორედ დაზღვევის კინო როლებზე გესაუბროთ. ცხადია, ყველა ფილმს, სადაც სადაზღვევო თემაა გაჟღერებული, ვერ მოვიცავთ, თუმცა, ამ პოსტის წაკითხვის შემდეგ, ფილმების ყურებისას ალბათ თავადვე გაამახვილებთ ყურადღებას და შეიძლება გაგაოცოთ კიდეც, რამდენად ხშირად არის კინოში სადაზღვევო კომპანია თუ დაზღვევასთან დაკავშირებული საკითხები ნახსენები. დღეისათვის სასაუბროდ ათი ფილმი შევარჩიეთ:   1) Lloyd's of London (1936)   რეჟისორი: ჰენრი კინგი როლებში: ტაირონ პაუერი, მედელინ კეროლი და გაი სტენდინგი მოკლე  შინაარსი: ორი მეგობარი, ჯონათან ბლეიკი და ჰორაციო ნელსონი შემთხვევით მეზღვაურების საუბარს მოკრავენ ყურს, რომლებიც მომავალი სადაზღვევო თაღლითობის შესახებ საუბრობენ. ჯონათანი გადაწყვეტს, რომ ლოიდსის თანამშრომლებს ამ თაღლითობის შესახებ აცნობოს. საბოლოოდ, ჯონათანი ლოიდსის სადაზღვევო ბიზნესში ერთვება და წარმატებასაც აღწევს.   2) Double Indemnity (1944) რეჟისორი: ბილი ვაილდერიროლებში: ფრედ მაკმიურეი, ბარბარა სტენვიკიმოკლე შინაარსი: ფილმის სადაზღვევო აგენტის შესახებაა, რომელიც ხვდება ცოლს, რომელსაც ქმრის მკვლელობა აქვს გადაწყვეტილი და სურს, მკვლელობა უბედური შემთხვევის იერი მისცეს, რათა სადაზღვევო კომპანიისგან ანაზღაურება მიიღოს. 3) To Catch a Thief (1955) რეჟისორი:  ალფრედ ჰიჩკოკიროლებში: კერი გრანტი, გრეის კელიდიახ, დაზღვევა ჰიჩკოკის კლასიკაშიც ფიგურირებს. ამერიკელი ემიგრანტი რივიერაზე მშვიდად ცხოვრობს, თუმცა სიმშვიდე მას შემდეგ მთავრდება, რაც მას ლოიდსის მშვენიერი სადაზღვევო აგენტი ქურდის დასაჭერად ქირაობს. 4) The Wrong Man (1956) რეჟისორი: ალფრედ ჰიჩკოკიროლებში: ჰენრი ფონდა, ვერა მაილსიროგორც ჩანს, ჰიჩკოკს დაზღვევა ძალიან უყვარდა და ფილმებისთვის საინტერესო თემატიკად მიაჩნდა. მის მორიგ ფილმში, ახალგაზრდა მუსიკოსი სადაზღვევო კომპანიაში შედის, სადაც სხვა ადამიანში, კერძოდ კი ქურდში, ეშლებათ და აპატიმრებენ. მან როგორმე თავისი უდანაშაულობა უნდა დაამტკიცოს. 5) Alias Jesse James  (1959) რეჟისორი: ნორმან მაკლეოდიროლებში: ბობ ჰოუპი, რონდა ფლემინგი, უენდელ კორეი მოკლე შინაარსი:  ვესტერნი კომედია სადაზღვევო აგენტის შესახებ, რომელიც სიცოცხლის დაზღვევას შემთხვევით ცნობილ ამერიკელ კრიმინალს, ჯესი ჯეიმსს მიჰყიდის. აგენტს დასავლეთში ჯესი ჯეიმსის დასაცავად გზავნიან. თუმცა, ჯეიმსი ფერნსვორთის მოკვლას გეგმავს, რათა ანაზღაურება თავად მიიღოს. 6) The Thomas Crown Affair (1968) რეჟისორი: ნორმან ჯიუისონი როლებში: სტივ მაქქვინი, ფეი დანავეი მოკლე შინაარსი:  კიდევ ერთი პოპულარული და კლასიკური ფილმი, რომელშიც სადაზღვევო გამომძიებელი, ბანკის ძარცვას იძიებს. 7) Entrapment (1999) რეჟისორი: ჯონ ამიელი როლებში: კეტრინ ზეტა-ჯონსი, შონ კონერი მოკლე შინაარსი:  კეტრინ ზეტა ჯონსის გმირი სადაზღვევო გამომძიებელს ვეივერლის დაზღვევის თანამშრომელია. ის ხელოვნების ნიმუშების ქურდს ეძებს, მაგრამ ამისათვის თავადაც ქურდად უნდა შეინიღბოს. 8) Memento (2000)   რეჟისორი: კრისტოფერ ნოლანი როლებში: გაი პირსი, კერი-ენ მოსი მოკლე შინაარსი:  ლეონარდი, ყოფილი სადაზღვევო გამომძიებელია, რომელიც ცოლის მკვლელობის გამოძიებას ცდილობს. ის ანტეროგრადული ამნეზიით იტანჯება, ამიტომ მცირე ჩანაწერებით და სხეულზე უამრავი ტატუთი, ცდილობს ცოტა ხნის წინ მომხდარი ფაქტები აღნიშნოს და ასე გაიხსენოს წარსული.   9)  Cedar Rapids (2011)   რეჟისორი: მიგელ არტეტა როლებში: ედ ჰელმსი მოკლე შინაარსი:  კომედია ადამიანზე, რომელსაც სამსახური ყოველწლიურ სადაზღვევო კონვენციაზე. აიოვაში, სიდარ რეპიდში გზავნის თავის წარმომადგენლად. შემდგომი მოვლენები კი რა თქმა უნდა, კომედიურად ვითარდება.   10) Automata (2014) რეჟისორი: გაბე იბანიესი როლებში: ანტონიო ბანდერასი მოკლე შინაარსი:  ანტონიო ბანდერასი რობოტების კორპორაციის სადაზღვევო აგენტია, რომელიც რობოტების მიერ პროტოკოლის დარღვევის შემთხვევებს იძიებს და გამოძიების პროცესში საინტერესო ფაქტებამდე მიდის.  
online დაზღვევა
დღეს თითქმის აღარაა დარჩენილი სფერო, რომელიც ონლაინ სერვისებს არ გვთავაზობს. ბანკები, მობილური ოპერატორები,ავიახაზები, ტუროპერატორები, სამედიცინო დაწესებულებებიც კი, უკვე დიდი ხანია გამარტივებულ და სწრაფ სერვისებს გვთავაზობენ,  გვიზოგავენ დროსა და ენერგიას, რაც, დამეთანხმებით, ასე მნიშნვნელოვანია ყველასთვის. ბოლო 2 წელია ონლაინ სერვისები სადაზღვევო სექტორმაც გაააქტიურა და დღეს ყველა წამყვანი სადაზღვევო კომპანია, შეძლებისდაგვარად, ცდილობს გამარტივებული დისტანციური მომსახურება შემოგვთავაზოს. დღევანდელ გადატვირთულ რეჟიმის გათვალისწინებით, ის ფაქტი, რომ დაზღვვევის შესაძენად შეგვიძლია თავიდან ავირიდოთ  ოფისში რიგში დგომა, დროის კარგვა და უზარმაზარი პრეზენტაციების მოსმენა, ნამდვილი ფუფუნებაა. თუმცა ყველაფერს აქვს თავისი დადებითი და უარყოფითი მხარე. ამჯერად, დაზღვევის შეძენის 2 ალტერნატიულ გზას განვიხილავთ და გავიგებთ რა უპირატესობები აქვს დაზღვევის ონლაინ ან აგენტთან შეძენას.   რა უპირატესობა აქვს ონლაინ დაზღვევას?   სიმარტივე - ბევრს ჰგონია, რომ დაზღვევის შეძენის პროცესი სირთულეებთან- ხანგრძლივ და ბიუროკრატიულ პროცედურებთან არის დაკავშირებული. სინამდვილეში, ონლაინ დაზღვევა იმაზე მარტივია, ვიდრე წარმოგიდგენიათ. გაზრდილი კონკურენციის პირობებში, სადაზღვევო კომპანიები იმდენად გამარტივებულ პროცედურებს გვთავაზობენ, რომ თუ ოდნავ მაინც ერკვევით სმარტფონებსა და კომპიუტერებში, უპრობლემოდ შეძლებთ დაზღვევის ონლაინ შეძენას.  დროის ეკონომია- თუ იმ ადამიანების კატეგორიას განეკუთვებით, რომელთაც დატვირთული დღის რეჟიმი აქვს და თითოეული წუთი ძვირფასია, მაშინ ონლაინ დაზღვევა თქვენთვის ყველაზე კომფორტულია. შედიხართ საიტზე, გადაავლებთ თვალს სადაზღვევო პაკეტების პირობებსა და ფასებს, შეარჩევთ სასურველს, ბარათით გადაიხდით  და 2-3 წუთში დაზღვეული ხართ. კომფორტი - ონალაინ შეძენის კიდევ ერთი უპირატეობა მის ფასდაუდებელ კომფორტში მდგომარეობს. წარმოიდგინეთ, არ გიწევთ სადაზღვევო აგენტთან შეხვედრის შეთანხმება. როგორც იქნა როცა მოახერხებთ დათქმულ დროს შეხვედრაზე მისვლას და შემდეგ იწყება 30 სლაიდიანი  power point პრეზენტაციების და კონკურენტული უპირეატესპბებისა მოსმენა. თუ აგენტი გამოცდილი აღმოჩნდა, იქვე გაგაფორმებინებთ ხელშეკრულებას. თუ „მაძიებელი“ ტიპაჟი ხართ, ყველა დეტალს უღმავდებით და დეტალური ინფორმაციის მიღება გსურთ დაზღვევის პირობების შესახებ, სავარაუდოდ, სხვა კომპანიებისს პირობების გაგებასაც მოისურვებთ და შესაბამისად იგივე პროცესების გავლა მინიმუმ 2-3ჯერ მოგიწევთ. ამის ალტერნატივა გაცილებით კომფორტულია-თუ, პირობითად, ავტოდაზღვევა გსურთ,  შეარჩევთ რამდენიმე სადაზღვევო კომპანიას, რომელთა პირობების შესახებ ინფორმაცია დევს საიტზე. იქვე გამოთვლით ტარიფებს და ზედმეტი ზარების, შეხვედრებისა და პრეზენტაციების გარეშე მარტივად დააზღვევთ თქვენს ავტომობილს.   რა უპირატესობა აქვს აგენტთან დაზღვევას?   მეტი სიცხადე - მიუხედავად ონლაინ სერვისების სიკეთეებისა, სადაზღვევო აგენტის როლი დაზღვევის შეძენისას უმნიშვნელოვანესია და ალბათ, ასეც დარჩება.  თუ თქვენ ვერ ერკვევით დაზღვევის ტერმინოლოგიებში, პროცედურებში ან პოლისში არსებული ინფორმაცია თქვენთვის რთული გასაგებია, გაუგებრობების თავიდან ასაცილებლად  და მეტი სიცხადისთვის, საუკეთესო გამოსავალია დაზღვევა აგენტთან შეიძინოთ, რომელიც დეტალურ ინფორმაციას მოგაწვდით  პირობების, გამონაკლისებისა და პროცედურების შესახებ. მუდმივი კომუნიკაცია - დაზღვევის აგენტთან ურთიერთობით თქვენ, ფაქტობრივად, დაზღვევის პირად კონსულტანტს იძენთ, რომელთანაც გაქვთ მუდმივი კომუნიკაცია. აგენტი არის დამაკავშირებელი რგოლის თქვენსა და კომპანიას შორის. კომფორტი - ზოგისთვის კომფორტი დისტანციური სერვისებია, ზოგი კი ადამიანებთან უერთიერთობას ანიჭებს უპირატესობას, თუმცა ეს პროცესი ყოველთვის სასიამოვნო არ არის. დაზღვევის აგენტი კი არის ადამიანი, რომელიც ცდილობს ეს კომფორტი შეგიქმნათ - ყოველთვის ცდილობს თქვენზე მოარგოს დრო, მოვიდეს თქვენთან სამსახურში, კაფეში, თუ დაგჭირდათ არასამუშაო დროს, უქმეებზე, სახლშიც კი და ადგილზე გაგიწიოთ მომსახურება. ასე, რომ თუ დიდად ვერ მეგობრობთ ტექნოლოგიებთან, გიყვართ ადამიანებთან ურთიერთობა და გსურთ კომფორტული სერვისი მიიღოთ, დაზღვევის შესაძენად აგენტთან ურთიერთობა საუკეთესო არჩევანია.   ჩვენდა საბედნიეროდ, სადაზღვევო სექტორში კონკურენცუია იზრდება, შესაბამისად სერვისები იხვეწება და საბოლოო ჯამში, ჩვენზე,  მომხარებელზე ორინეტირებულ და მრავალფეროვან მომსახურებას ვიღებ. ასე, რომ ისღა დაგვრჩენია, ვიმოქმედოთ, დავეზღვეთ, ხოლო იმას თუ სად შევიძენთ დაზღვევას- ონლაინ თუ აგენტთან- უკვე ჩვენს  პრიორიტეტებზეა დამოკიდებული, მთავარია ვიცოდეთ თითოეულის უპირატესობები.
ახალი პოსტები
რა კავშირი აქვს დაზღვევას და პატრიოტობას?
მანქანის დაუზღვევლობით გამოწვეული უბედურება
9 მიზეზი, თუ რატომ უნდა დავაზღვიოთ სახლი აუცილებლად
5 მიზეზი, თუ რატომ არის სასარგებლო „ონკო ქეარის“ გამოყენება