კვირის რჩევები
ბევრჯერ უკითხავთ, სად მყავს დაზღვეული ჩემი ავტომანქანა, ან სად ვურჩევდი სხვებს... ბუნებრივია, არ იქნება სამართლიანი, ის კომპანია ვურჩიო, რომლის მიმართაც თავად ვარ ლოიალური.   გასაგებია, რომ მე, როგორც კმაყოფილ მომხმარებელს, უფლება მაქვს მომწონდეს პირობითაც ჯიპიაი ჰოლდინგი, ან ალდაგი, მაგრამ იქნებ ვინმე სხვა - უკეთეს პირობებს სთავაზობს?   ჰოდა, აი სწორედ ზემოთ ჩამოთვლილი მიზეზების გამო, გთავაზობთ შედარებას, ორი ყველაზე დიდი სადაზღვევო კომპანიის ავტო დაზღვევას: ჯიპიაი ჰოლდინგი და ალდაგი.   ორივე კომპანია ფარავს შემდეგ ზარალებს: ავტოსაგზაო შემთხვევა ხანძარი, აფეთქება, ვანდალიზმი სტიქიური უბედურებები სეტყვა, მიწისძვრა ქურდობა, ძარცვა, ყაჩაღობა, მესამე პირის ბოროტგანზრახული ქმედება გარდა ამისა, 24 საათიანი ავტოასისტანსი: საბურავის გაბერვა/გამოცვლა საწვავის ადგილზე მიტანა უფასო ევაკუატორის მომსახურება მანქანის დაქოქვა სპეციალური ხელსაწყოთი ავტოდაზღვევის ჯგუფის მომსახურება 24/7 - ავტოსაგზაო შემთხვევისას   ეს ყველაფერი ალდაგის საიტზე ვერ ვნახე და რაც მთავარია, ზარალის ანაზღაურება ხდება 5 დღის ვადაში, 1000 ლარამდე თანხა ხელზე! ანუ, თუ ხელოსანს შემდგომში თანხას დავაკლებინებ, მოგებაც შეიძლება დამრჩეს :)   და ჩემთვის, მეტისმეტად დაკავებული ადამიანისთვის ძალზ8ედ სენსიტიური ამბავი: ზარალის გაცხადება და ანაზღაურება ონლაინ - სრული მომსახურება დისტანციურად. მაგალითად: როდესაც პატარა ზარალია და არ გინდა ელოდო თანამშრომელს გააკეთებ ონლაინ გაცხადებას, გადაურებ ფოტოებს ონალინ ესაუბრები მენეჯერს და ხდება ონალინ კალკულაცია. ვაგდებ ვიდეოს რომ უფრო თვალსაჩინო იყოს რაზეა საუბარი   ჯიპიაის აქვს საიტზე კალკულატორი, რაც არ აქვს ალდაგს, ანუ თუ შაბათ-კვირა, ან დასვენების დღე დაგემთხვა, ინფორმაციას ვერ მიიღებ, ხოლო სამუშაო დღეები, მომხმარებლებისთვისაც საკმაოდ დატვირთულია...   ალდაგსაც და ჯიპიაისაც აქვთ საბონუსე სისტემა, თუ წლის განმავლობაში, არ დაგვიფიქსირდება შემთხვევა - ერთგულების ქულები გვიგროვდება, რომელსაც შემდგომში გამოვიყენებთ ახალი პოლისის მიღებისას.   რაც შეეხება, სადაზღვევო მოსაკრებელს - დიდად არ განსხვავდება თანხები, ამიტომ, ამ კუთხით თითქმის თანაბარ პირობებში იმყოფებიან.   მაშასადამე, თვალისთვის უფრო მარტივად აღქმადი რომ გამოვიდეს, პატარა ცხრილი გავაკეთოთ.       მახასიათებელი ალდაგი ჯიპიაი ჰოლდინგი ავტო ასისტანსი 24/7 + + სადაზღვევო პრემია + + თანხის ხელზე გაცემა - + საბონუსე სისტემა + + ონლაინ მომსახურება - + საიტზე მარტივად გამოთვლის შესაძლებლობა - + თანხის უფრო სწრაფად და მარტივად მიღების შესაძლებლობა - + ხანგრძლივი ისტორია ბაზარზე + + სულ 4 8 ჩემ მიერ ჩამოთვლილი კრიტერიუმებით, ჯიპიაიმ გაიმარჯვა, თუმცა თქვენს კრიტერიუმებსაც გააჩნია, ასე რომ - გადახედეთ სტატიას კიდევ ერთხელ და მიიღეთ შესაბამისი გადაწყვეტილება. მიხარია, თუ დაგეხმარეთ :)
ისტორიები
ამასწინათ, გერმანელ მეგობრებს ვმასპინძლობდი...   ოდნავ გავცივდი და მედიკამენტებზე აფთიაქში გადავწყვიტე წასვლა, გზად ყავაზეც გვინდოდა შეგვევლო, ჰოდა ისინიც გამომყვნენ. აფთიაქში როცა შევედით და პირდაპირ შევიძინეთ, ცოტა გაოცდნენ და გარეთ გასვლისას მკითხეს, პირდაპირ რატომ შევიძინე, ჩვენთან სულ დაზღვევითაა ყველაფერიო.   მერე დავფიქრდი და სასწრაფოდ მოვქექე ჯანმრთელობის დაზღვევის პოლისები... ჯანმრთელობის დაზღვევის ფასები 11 ლარიდან იწყება და 60 ლარამდე და მეტ თანხამდეც გრძელდება, ისევე, როგორც მედიკამენტების ანაზღაურება, 25%-დან, 60%-მდე. აბა, გამოთვალეთ თქვენს მიერ თვის განმავლობაში შეძენილი მედიკამენტების რაოდენობა. მერე სადაზღვევო პრემია გაიხსენეთ რამდენი გაქვთ, ვთქვათ საშუალოდ 31 ლარი, რომელიც 40%-მდე ანაზღაურებს მედიკამენტებს.   როგორც ვხედავთ, სულ რომ სხვა არაფერი, მაინც საკმაოდ მომგებიანია, თუმცა ამას ხომ დამატებით უამრავი რამ ემატება: ოჯახის ექიმი, რომელიც 50 ლარამდე ღირს და მისი საჭიროება ზამთრის პერიოდში კიდევ უფრო იზრდება პროფილაქტიკური ანალიზები, გინდა-არ გინდა მაინც ვერ აუვლი გვერდს და თუ აუვლი, ისევ შენთვისვეა ცუდი ჰოსპიტალური მომსახურება, ანუ საჭიროების შემთხვევაში პაციენტის შესაბამის სამედიცინო დაწესებულებაში განთავსება სტომატოლოგია - ეს ჩემი სუსტი წერტილია, იმდენს ვიღიმი, რომ ხარისხიანად თუ ვერ გავიღიმე, ცხოვრებას აზრი დაეკარგება :) ამბულატორიული მომსახურება - ექიმებთან ვიზიტი და დანიშნული კვლევების ჩატარება   ჰოდა, დავუბრუნდეთ ისევ მედიკამენტების თემას, რომელიც, როგორც დავინახეთ - ევროპელებისთვის მეტისმეტად უცნაური აღმოჩნდა, აი ასე, უარაფეროდ, როგორ შეიძლება შებოდიალდე აფთიაქში და იყიდო წამლები, როცა დაზღვევით ეს ყველაფერი ასე იაფია. მეც გამიკვირდა ჩემი თავის :)   უბრალოდ, ერთი სამსახურიდან მეორეში გარდამავალ პერიოდზე, ორიოდე თვით გვერდზე დამრჩა ჯანმრთელობის დაზღვევა, თუმცა ამ ფაქტმა - მკვეთრი ბიძგით გამომაღვიძა. დიახ მეგობრებო, ინდივიდუალური ჯანმრთელობის დაზღვევის პაკეტის შემთხვევაში, მედიკამენტების შეძენისას 30-40% ვზოგავთ, ჰოდა რატომაც არა?   არის პოლისები, სადაც 60%-საც კი. ჰოდა, მინიმუმ დავგუგლოთ „ჯანმრთელობის დაზღვევა“, გადავხედოთ პირობებს, მერე ჩვენი ხარჯები გამოვთვალოთ, მერე გავიაზროთ, რამდენის დაზოგვა შეგვიძლია თურმე და არ ვზოგავთ...! და დანარჩენი უკვე თქვენ იცით...
კვირის რჩევები
ალბათ რეგიონებში, ან ოჯახის წევრების უფრო წევრებისგან ხშირად მოგისმენიათ: წყლის ძალა მოგცეს ღმერთმაო. ძირითადად ეს ხდება, როცა წყალს დაალევინებ ვინმეს. ნუ, ლოგიკურად, პირდაპირი გაგებით - ძლიერად მჩქეფარე წყლები იგულისხმება, მაგ: მორბის არაგვი არაგვიანი, ან ჩანჩქერი, მაგრამ... წყლის ძალა, ირიბი მნიშვნელობითაც ძალიან დიდია. ბოლო ორი წელია, ორ ლიტრამდე წყალს ვიღებ დღეში და ადამიანურ, ნაკლებად სამედიცინო ენაზე რომ მოგახსენოთ, თქვენც მარტივად დამეთანხმებით: იწვევს ხშირ შარდვას და გამოდევნის ორგანიზმიდან შლაკებს აახალგაზრდავებს კანს და ვინარჩუნებთ კარგ ფორმას, როცა კლასელების ყოველ მორიგ შეკრებაზე, ნახავთ, თუ როგორ ბერდებიან ისინი, თქვენ კიდევ - იფურჩქნებით ვარდივით :) აუმჯობესებს კუჭის მოქმედებას ცხიმებსაც წვავსო ამბობენ და რავიცი, რაც ეგ ამბავი დავიწყე - უფრო მარტივად ვწვავ მართლაც რომ... სიცხის დროს ხელს უშლის ორგანიზმის გადახურებას ხსნის გონებას და გვაძლევს დამატებით ენერგიას გამოდევნის ორგანიზმიდან ტოქსინებს (თუ ეგ და შლაკები იგივეა, მე მაპატიეთ, მარკეტერი ვარ და არა ექიმი) :) აუმჯობესებს იმუნურ სისტემას თავის ტკივილსაც ხელს უშლის ნაბახუსევიც უფრო კარგი გვაქვს თურმე იმ ხალხს, ვინც აქტიურად მივირთმევთ წყალს უფრო კარგ ხასიათზეც გვაყენებსო, რავიცი, ჩემს შემთხვევაში ნამდვილად ჭეშმარიტებაა, არ ვიცი რამდენად წყლის ბრალია, მაგრამ მაინც :) სხეულის ტემპერატურასაც აუმჯობესებს და მრავალი სხვა. საბოლოოდ, ყველაზე მარტივი გზაა - შევიძინოთ შუშის ლამაზი ბოთლი, საშუალოდ ლიტრიანი, ძაანაც რომ არ გაგვითბეს და ძალიან მალეც რომ არ დამთავრდეს... თუ ლიმონით გვიყვარს - ჩავაგდოთ ნაჭერი რამდენიმე ფერიც არ გვაწყენს, ტანსაცმლის მიხედვით რომ ვცვალოთ. ვიზუალურადაც მშვენიერი ატრიბუტია, თან ჩვენი ჯანმრთელი ცხოვრების წესს უსვამს ხაზს, თან სხვა წყლის ბოთლიანებთან გვაახლოვებს და მოკლედ, უამრავი ბენეფიტი ჰქონია, ამ მართლაც მარტივ ამბავს. და ფასიც გადასარევი, მარკეტში თუ არ გვინდა თანხის გადახდა, მიუხედავად იმისა, რომ იაფია - აგერ ბატონო ონკანი და მისი ჯანი. რა, რა და წყალი ნამდვილად ხარისხიანი გვაქვს, ჩვენს ლამაზ და საინტერესო ქვეყანაში, ჰოდა დავიწყეთ ორშაბათიდან კი არა და ხვალიდანვე! ;)
კვირის რჩევები
ფსიქოლოგები გვირჩევენ, რომ ხშირად გავიღიმოთ... იმისთვის, რომ უფრო მეტი პოტენციური მეგობარი, კეთილისმსურველი და პოტენციური რეკომენდატორი გვყავდეს. ღიმილი პარტნიორის მოსახიბლადაც მშვენიერი მეთოდია. რეზიუმეს ფოტოზეც კი - უფრო გაყიდვადი ხდები, თუ იღიმი, ანუ ამით შენს პოზიტიურ ხასიათს უსვამ ხაზს... მაგრამ აბა მოდი და გაიღიმე, თუ კბილები არ გაქვს წესრიგში. კბილების მოვლა-შეკეთება-შელამაზება საკმაოდ ძვირი სიამოვნებაა და თან ეს სიამოვნება, დროის გაწელვის პირდაპირ პროპორციულია, ანუ იმის მიხედვით ძვირდება, რაც უფრო გვიან გადაწყვეტთ: კარგ სტომატოლოგიურ კლინიკაში ბჟენი 100-150 ლარამდე ჯდება თუ გავწელეთ და მოვიმტვრიეთ - კერამიკის გვირგვინი 250+ ლარი თუ ფერი ისე შევლახეთ, რომ ზემოდან ვინირების გადაკვრა დაგვჭირდა - 500 ლარიდან დაგვიჯდება 1 კბილი ფესვიანად თუ გავანადგურეთ - საერთოდ იმპლანტის საჭიროება დაგვიდგება და 1000+ ლარში ვიწეწებით, ან ვივლით უკბილოდ... არ მივიყვანოთ საქმე ბოლო სტადიამდე და დავუბრუნდეთ საწყისს: დაბჟენა ან უკეთესი: ეგეც რომ არ დაგვჭირდეს, ისე მოვუაროთ. ექიმები კბილების წელიწადში ორჯერ გაწმენდას გვირჩევენ, მართალია ეს არც ისე იაფი, ორასი ლარის ფარგლებში ჯდება, მაგრამ აბა დაზღვევა რისთვისაა? საკმაოდ კარგი თანხებით ნაზღაურდება ბუნებრივი გაწმენდა. ქიმიის გარეშე, რაც არც გჭირდებათ, მაინც, მგრძნობელობა რომ არ გაგვეზარდოს. უფრო მეტიც, სტომატოლოგია ისეთი რამეა, რის მიხედვითაც სადაზღვევო პაკეტების შედარებაც კი შეიძლება. გაწმენდა საშიში პროცესიც კი არ არის, არც მტკივნეული: მიხვალთ გააღებთ პირს :) ექიმი გეტყვით, რომ არაფერი გეტკინებათ, უბრალოდ შეიძლება უდნავ უსიამოვნო შეგრძნება გქონდეთ ეარფლოუს შემთხვევაში, თქვენთვის სასურველ არომატს შეარჩევთ და დაიწყება. შეიძლება პროცესი არ იყოს იდეალური, მაგრამ შედეგად იმდენად მოგეშვებათ, რომ მალევე ისევ მიხვალთ. ჰოდა, რატომ უნდა გავიწეწოთ მეგობრებო, როცა მინიმალურ ფასებშია ეს ყველაფერი შესაძლებელი? ამიტომ, დამიჯერეთ ხოლმე და დაეზღვიეთ, დაეზღვიეთ...
პირველი მოგზაურობა
პირველი მოგზაურობა პირველი სიყვარულივითაა, არ აქვს მნიშვნელობა როგორ დასრულდება, პროცესი იმდენად ამაღელვებელია. ხომ არსებობენ ადამიანები, რომლებსაც სჯერათ, რომ თუ განსაკუთრებულ ადამიანს იპოვიან, ამას ერთი ნახვით მიხვდებიან და ეს სულთა მონათესაობა სამუდამოა. ჩემი და პორტუგალიის ურთიერთობაც მსგავსია, თავიდან მეგონა ჩემი საყვარელი მწერლის ჟოზე სარამაგუს გავლენით მქონდა ეს განწყობა. თუმცა მალევე მივხვდი, რომ პორტუგალიასთან შუამავალი, თუნდაც ასეთი დიდებული, არ მჭირდება. ლისაბონის ვიწრო ქუჩებში ხეტიალისას ვგრძნობდი, რომ სადღაც ახლოს განსაკუთრებული რამ უნდა მეპოვნა. სამწუხაროდ, საწოლი ქუჩებივით ვიწრო გვერგო და არც კოღოები გვინდობდნენ ძილის დროს. თუმცა როცა ქაშქაის პლაჟზე შეგიძლია საყვარელ ადამიანთან ერთად წამოწვე და ხელები ქვიშაში ათამაშო, მზად ხარ ცულის ტარზეც დაეტიო. პლაჟზე ნებივრობა ბავშვობიდან მიყვარს, მაგრამ სინტრას ვიზიტისას მივხვდი, რომ ძველი სასახლეების აღმოჩენა და ბოტანიკურ ბაღში საიდუმლო ადგილების ძებნა უფრო მიტაცებს. ამინდი ნისლიანი შეგვხვდა და ეს იდუმალების განცდას კიდევ უფრო გვიმძაფრებდა. თან, ადგილობრივი ტურისტული ტრანსპორტის ნაცვლად, აღმართზე ფეხით სიარული ავირჩიეთ, რადგან დანიშნულების ადგილამდე მისვლაზე მეტად პროცესში მომხდარი მოულედნლობებით ტკბობა გვიზიდავდა. უცნაურია, მაგრამ პირველივე მოგზაურობისას მივხვდი, რომ პოპულარული ადგილების, ეკლესიებისა თუ მუზეუმების ვიზიტი ჩემი საქმე არ არის. ყველაზე მეტად შემთხვევითი წვრილმანი დეტალებით ტკბობა მიზიდავდა და ამის გააზრების პროცესიც მსიამოვნებდა. მდინარის სანაპიროზე 3 თვითნასწავლი რეპერი და მათი შემოქმედებით აღტაცებული იაპონელი ტურისტი ყველაზე საინტერესო სანახაობა აღმოჩნდა ლისაბონში ვიზიტისას. რეპერებს დინამიკები ჰქონდათ სანაპიროზე გამოტანილი და მართალია უნიჭოდ, მაგრამ გულით მიქსავდნენ. იაპონელი ტურისტის მიერ ამათი აღმოჩენა და პატარა ბავშვივით ხვანცალი სწორედ ის სიყვარულის ისტორია იყო, რომელზეც დასაწყისში ვსაუბრობდი. ოღონდ აქ უბრალოდ დამკვირვებელი ვიყავი, ვიცოდი ჩემი აღფრთოვანება ჯერ კიდევ წინ იყო. ნაზარესკენ შემთხვევით წავედით, პორტომდე 2 დღე თავისუფალი გვქონდა და თან კარავსაც დავატარებდით. როგორც გავიგეთ ნაზარეში ერთ-ერთი ყველაზე კარგი საკემპინგო ზონა არსებობდა და გატესტვა ნამდვილად ღირდა. ნაზარეს სანაპიროს კლდე ორ ნაწილად ჰყოფს, ერთ ნაწილში თეთრად შეფენილი სახლები და ვიწრო ქუჩებია, მეორე ნაწილში კი უკაცრიელი სანაპირო, საკემპინგო ზონებით. გადასაადგილებლად ტრანსპორტი არ გჭირდება, მაქსიმუმ 10-15 წუთში შეგიძლია ნებისმიერ ადგილზე მიხვიდე და ისეთი განცდა გაქვს თითქოს ეს კარგად ნაცნობი ადგილია, სადაც ბავშვობაში მშობლებთან ერთად ისვენებდი, უბრალოდ მას შემდეგ დიდი ხანია არ ყოფილხარ და ეხლა თავიდან იხსენებ დეტალებს. სხვათაშორის, სწორედ ნაზარეში დაიპყრო წელს ბრაზილიელმა სერფერმა ყველაზე დიდი ტალღა. მოგზაურობისას ამ ტალღებზე მხოლოდ ჭორები მსმენოდა, თან სეზონიც არ იყო, ამიტომ პრაია დე ნორტეს სანაპიროზე კარავი თამამად გავშალეთ და იქვე მობინადრე თოლიასგანაც ავიღეთ ნებართვა. თავიდან ალმაცერად გვიყურებდა, მაგრამ მეორე დღეს უკვე შეგვეჩვია და თითქოს ინტერესითაც კი გვაკვირდებოდა. ღამით რამდენჯერმე გავიხედე კარვიდან ქარის ხმაზე, ხან ოკეანის ხმაზე, მერე მივხვდი რომ უბრალოდ იდეალურ ადგილას ვიყავი და შემეძლო „ოვერსინქინგის“ გარეშე დავმტკბარიყავი. ღამით, სრულ სიბნელეში, თეთრი ქვიშის ფონზე ცის ყურებისას, გულში პატი სმიტის სიმღერა წავიმღერე: Because the night belongs to lovers და მივხვდი რომ ეს ადგილი ჩემი პირველი დიდი მოგზაურობის სიყვარული იყო. ეს ჩემი ადგილია, სადაც მგონია რომ ყოველთვის შემიძლია ჩასვლა.
დაზღვევა news
ორიოდე კვირის წინ ჯანდაცვის მინისტრმა საზოგადოებას ახალი ინიციატივა წარუდგინა, რომელიც ხშირად მოხმარებად, ქრონიკული სამკურნალო მედიკამენტებზე ხელმისაწვდომობას უზრუნველყოფს. პროგრამაში ერთვება ნებისმიერი ასაკის სოციალურად დაუცველი პირი, რომლის ოჯახის სარეიტინგო ქულა განსაზღვრულია 100 000-ის ჩათვლით, ასაკით პენსიონერი და შეზღუდული შესაძლებლობის მქონე პირები, რომელთაც აქვთ ქრონიკული დაავადებები. ინიციატივა ცალსახად მისასალმებელია - მომხარებლის მოწყვლადი ჯგუფისთვის ქრონიკული დაავადებების სამკურნალო მედიკამენტები მეტად ხელმისაწვდომი ხდება, თუმცა მოდით უფრო ფართოდ შევხედოთ იმ საკითხს რასაც მოსახლეობისთვის ხელმისაწვდომი მედიკამენტები და ჯანდაცვა ჰქვია. რომ გადავავლოთ თვალი სტატისტიკურ მონაცემებს დავინახავთ, რომ ქვეყანაში შინამეურნეობების მთლიანი დანახარჯიდან 10% ჯანდაცვაზე იხარჯება, საიდანაც 40-50% მედიკამენტებზე მოდის, რაც იმას ნიშნავს, რომ 1  საშუალო სტატისტიკური მოქალაქე  ჯანმრთელობაზე გაწეული ხარჯის 40-50% -ს მხოლოდ მედიკამენტებზე ხარჯავს. ეს ერთ-ერთი ყველაზე მაღალი მაჩვენებელია ეროპაში და თუ გავითვალისწინებთ იმასაც რომ 2017 წლის ბოლო 6 თვეში მედიკამანტების ღირებულება 7,2%-ით გაძვირდა (საერთაშორისო ფონდი კურაციოს  კვლევა ,2017წ) ძნელი მისახვედრი არაა ამდენად მძიმე ტვირთად აწევს ეს მოსახლეობას. საყოველთაო ჯანდაცვის სისტემაში სახელმწიფოს მხრიდან მედიკამენტების სუბსიდირება  მისასალმებელია, რადგან მთავრობა ამით შეეცადა, ოდნავ მაინც შეემსუბუქებინა ეს ტვირთი მოსახლეობის მოწყვლადი ჯგუფისთვის. თუმცა ეს პრობლემის მხოლოდ ზედაპირული მიდგომაა და ვერ ჭრის მედიკამენტებზე და ზოგადად ჯანდაცვაზე გაზრდილი დანახარჯების პრობლემას. ამისთვის სისტემური ცვლილებებია საჭირო. როგორ უნდა შემცირდეს მედიკამანტებზე დანახარჯი? მედიკამენტებზე დანახარჯების შემცირება შესაძლებელი გახდება თუ ჯიბიდან გადახდები  ფინასების ინსტიტუციურ სისტემაში გადაინაცვლებს ანუ დაფინასების სისტემაში კერძო სექტორიც ჩაერთვება. რა განაპირობებს მედიკამენტებზე ასეთი დიდი დანახარჯი? - ეს წამლების  არარაციონალური მომხმარებით არის განპირობებული და ზრდის ჯიბიდან გადახდებს. საერთაშორისო ფონდი კურაციოს 2017 წლის ჯანდაცვის სფეროს კვლევის მიხედვით, ჯანდაცვის მთლიანი დანახარჯოს 57% ჯიბიდან გადახდებზე მოდის, რომლსი 2/3-საც სამკურნალო მედიკამენტებზე დახარჯული თანხები შეადგენს. ჯიბიდან გადახდების მაღალი დანახარჯს 2 მიზეზი განაპირობებს: თვითმკურნალობა- საბედნიეროდ ეს მაჩვენებლეი არც თუ ისე დიდია, რასაც ხელი შეუწყო მედიკამენტების ურეცეპტოდ გაცემის აკრძალვამ. მეორე და მთავარი მიზეზი ანგარებიანი, არამიზნობრივი დანიშნულებები, რომელიც ჯიბიდან გადახდის პირობებში უკონტროლოს გაიცემა. დაფინანსების ინსტიტუციური სქემები, რაც დაფინასების სიტემაში კერძო სადაზღვევო კომპანიების ჩრთულობას მოიცავს, შესაძლებლობას იძლევა მნიშვნელოვნად შემცირდეს პოლიფარმაციის პრობლემა, რასთან გამკლავებაც ამ ეტაპზე სახელმწიფოს უჭირს. კერძოდ, გაკონტროლდეს ექიმის დანიშნულება, რათა მაქსიმალურად დაცული იყოს გაიდნაილი და არ დაინიშნოს უსარგებლო ან ზოგ შემთხვევაში, ჯანმრთელობისთვის მავნე  მედიკამენტი. ამის რესურსი და გამოცდილება კერძო სექტორს აქვს.  კერძო სადაზღვევო ინდუსტრიის სტატისტიკით , წამალზე დანახარჯი ერთ დაზღვეულზე წელიწადში საშუალოდ 60-70 ლარს არ აღემატება,  რაც  ეროვნულ დანახარჯზე სამჯერ ნაკლებია. ეს შედეგია უპირველეს ყოვლისა იმისა, რომ  კონტროლდება დანიშნულებების შესაბამისობა გაიდლაინებთან, დანერგილია ხარჯთეფექტური სქემები. მაშინ როდესაც საერთო ეროვნული მაჩვენებლით ერთ ადამიანზე წამლის ხარჯი - 240 ლარზე მეტია, ეს იმას ნიშნავს, რომ კერძო სადაზღვევო სქემაში ჩართული ადამიანი არამხოლოდ ნაკლებს ხარჯავს, არამედ  მედიკამენტებს გაცილებით უფრო სწორად და ეფექტურად  მოიხმარს. როგორც ზემოთ ვთქვით, მთავრობის ახალ სისტემაში მხოლოდ კონკრეტული, მოწყვლადი ჯგუფები ერთიანდებიან, და პროგრამის მიღმა რჩებიან ის ადამიანები, რომლებიც არ შედიან ამ ჯგუფში და ვერ სარგებლობენ შეღავათიანი სამედიცინო მომსახურებითა და მედიკამენტებით.  საყოველთაო ჯანდაცვაში გასულ წელს შესული ცვლილებების შედეგად, გაუქმდა ე.წ. დაშენებული სადაზღვევო პროდუქტები, რაც მოქალაქეებს შესაძლებლობას აძლევდა არა მხოლოდ მედიკამენტები, არამედ მთლიანად სამედიცინო მომსახურება, რომელიც ნაწილობრივ ან საერთოდ არ იფარებოდა სახელმწოფო პროგრამით, კერძო დაზღვევით გადაეფარათ.  დღეს ეს ადამიანები ან საერთოდ ვერ სარგებლობენ სახელმწიფო დაზღვევით, ან უწევთ უარის თქმა კერძო დაზღვევაზე იმის შიშით, რომ  არ დაკარგონ სახელმწიფო დაფინასება. საუბარია 1,5 მილიონ მოქალაქეზე - მოსახელობის 40%. დაფინასების სიტემაში კერძო სადაზღევო სექტორის ჩართულობით საყოველთაო ჯანდაცვის პროგრამის ყველა ბენეფიციარს შესაძლებლობა ექნება ისარგებლოს  შემავსებელი/დაშენებული პროდუქტებით  რომელიც: დააფინანსებს მედიკამენტებს, რაც არ იფარება საყოველთაო პროგრამით; დააფინანსებს ამბულატორიული მომსახურებას სრულყოფილად, მათ შორის მაღალტექნოლოგიური კვლევებს. მაშინ როცა, საყოველთაო დაზღვევით იფარება მხოლოდ საბაზისო ამბულატორია და შეზღუდული დიაგნოსტიკა დააფინანსებს ჰოსპიტალური მომსახურება სრულად. საყოველთაო პროგრამა მხოლოდ ნაწილობრივ ფარავს ჰოსპიტალურ მომსახურებას, კერძო და ზღვევა კი შეუვსებს ანაკლისი ბენეფიციარს დააფინანსებს სტომატოლოგიას, რაც საერთოდ არ იფარება საყოველთაო პროგრამით.   საბოლოოდ, თუ სახელმწიფოს მხიდან იქნება ნება და დაფინასების სისტემაში კერძო სადაზღვევო მექანიზმს ჩართავს, შედეგად მკვეთრად შემცირდება პოლიფარმაციის შემთხვევები, შესაბამისად დაიკლებს ჯიბიდან გადახდები მედიკამენტებზე და შესაძლებლობა გვექნება შევამციროთ შენამეურნეობის დანახარჯები.  
კვირის რჩევები
დაზღვევის საჭიროებაზე და უფრო მეტიც - მის აუცილებლობაზე 21-ე საუკუნეში, დაუსრულებლად შეგვიძლია ვიდებატოთ. ვიდებატოთ რა, შევთანხმდეთ. თუმცა, მეორე და არანაკლებ მნიშვნელოვანი საკითხია - რომელ კომპანიაზე შევაჩეროთ არჩევანი... სად დავეზღვიო? ხშირად მიხტება ეს კითხვა „ნიუს ფიდში“, ფეისბუქზე. პასუხები არაერთგვაროვანია: ვიღაც თავად სადაც მუშაობს იმ კომპანიას ურჩევს სხვებმა სამოგზაურო იაფად გააკეთეს, არ დაჭირდათ და მხოლოდ მომღიმარი მენეჯერის ხათრით იძლევა რჩევებს ზოგმა არ იცის, მაგრამ პირველი რაც ახსენდება, ვთქვათ - ჯიპიაის, ან ალდაგს ურჩევს, ძალიან ბრძენი სახით მოდით, ნუ ავყვებით ხმებს და პრაგმატულად მივიღოთ გადაწყვეტილება: საერთაშორისო თანამშრომლობა - ეს ამბავი მნიშვნელოვანია, რაკი ევროპული სტანდარტები კარგი რამეა, პასუხისმგებლობაც უფრო დიდია, როცა სადაზღვევო კომპანიის უკან რომელიმე დიდი, მსოფლიო ან ევროპული დონის კომპანია დგას და ა.შ. არსებობის ისტორია ბაზარზე - რაც მეტი, მით უკეთესი, სოკოებივით გუშინ ამოსული სადაზღვევო კომპანიები რომელიც დაბალ ფასს გვთავაზობს რა თქმა უნდა მომხიბვლელი და კარგია, მაგრამ ვერ გაიგებ მის გამოცდილებას, ვერ ენდობი მართლა ხარისხიანია მომსახურება ან თუნდაც თუ რამე შემემთხვა და დამჭირდა დაზღვევა მართლა ამინაზღაურებს? რა გარანტია გვაქვს? კმაყოფილი მომხმარებლები - ამ შემთხვევაში, არსებობის ისტორიის საპირწონეა ის ფაქტორიც, ვის უფრო მეტი მომხმარებელი ჰყავს, მრავალწლიანი, ა.შ. მთლად ფეისბუქის რივიუებსაც ნუ ვენდობით, უფრო მნიშვნელოვანია რეალური და კომპანიაში „დიდი სტაჟის“ მქონე მომხმარებლები. აქციების რაოდენობა - კარგი კომპანიები მუდმივად ზრუნავენ მომხმარებლებზე და მათ ბევრ, კარგ პირობას სთავაზობენ, მაგალითად სოციალური პასუხისმგებლობა, დამატებითი ბენეფიტები, ა.შ. სისწრაფე - რამდენად ბევრი რამ შეგვიძლია ონლაინ რეჟიმში, მაგალითად სამოგზაურო დაზღვევის საყიდლადსახლიდან გასვლა რომ არ გიწევს, ავტოზე ონლიან რომ აგვარებ რაღაცებს და ა.შ. პროდუქტების მრავალფეროვნება - ესეც კომპანიის სიდიდეზე, მონდომებაზე, გამოცდილებაზე და ბევრ სხვა კარგ რამეზე მიუთითებს კარგი პროვაიდერი კლინიკები - ჯანმრთელობის დაზღვევისთვის ეს მნიშვნელოვანია, ძალზედ თან, მე კურაციო მაქვს კარგად დაცდილი, ზოგს სხვა კლინიკები და ასე მომსახურება - ანაზღაურების მიღება მნიშვნელოვანია, მაგრამ როგორი სახით, როგორი თავაზიანობით თუ პროფესიონალიზმით - ეგეც ცალკე თემაა, ნუ დავტოვებთ უყურადღებოდ ანაზღაურების სიმარტივე - ავტომანქანის ზარალის ანაზღაურება ნაკლები ბიუროკრატიით, პატრულის გამოძახების გარეშე, ზოგ შემთხვევაში პირდაპირ ხელზე მოცემა თანხის, ონლაინ ჯანმრთელობის ანაზღაურება და ა.შ. და კიდევ ერთი: ნუ მოგხიბლავთ 100% ანაზღაურებები, შეიძლება ბევრ რამეს გინაზღაურებდნენ სრულად, თუმცა ეს ბევრი რამ არც არაფერში დაგჭირდეთ და უფრო მნიშვნელოვანი იყოს ის რაღაცები, რასაც ნაკლები, ვთქვათ 60% ანაზღაურება აქვს. ჰოდა, აქაც ყურადღებით. მოკლედ, მე ჩემი გირჩიეთ, ისღა დაგრჩენიათ - აიღოთ კალამი და ფუცელი, ან გახსნათ ვორდი ან ექსელი და დაიწყოთ შედარება. წარმატებული კვლევა მისურვებია!
ახალი პოსტები
სად დავაზღვიოთ ავტომობილი
როგორ შევიძინოთ მედიკამენტები იაფად
რა სარგებლობა მოაქვს წყალს
ლამაზი კბილების ფასი